ABŞ-nin Ankaradakı səfiri və Suriya üzrə xüsusi nümayəndəsi Tom Barak Dəməşq rəhbərliyi ilə terror təşkilatı PKK/YPG arasında mübahisənin davam etdiyini bildirib.
Gununsesi.info xarici mediaya istinadən xəbər verir ki, Barak Dəməşqdə Suriya prezidenti Əhməd Şara və PKK/YPG lideri Ferhat Abdi Şahinlə görüşdükdən sonra Associated Press (AP) agentliyinə açıqlama verib . Barak qeyd edib ki , SDF adından istifadə edən PKK/YPG Suriya ordusunda ayrı bir blok olaraq mövcud olmaqda israrlıdır və bu vəziyyətin tərəflər arasında “əsas problem” olaraq qaldığını bildirib.
Barak, “bir müddətdir ayrı yaşayan və bəlkə də bir müddət düşmən münasibəti olan iki tərəfin” bu etimadı addım-addım artırması lazım olduğunu müdafiə etdi.
Dəməşq rəhbərliyinin PKK/YPG-nin düşünə biləcəyi variantları təqdim etməkdə “böyük bir iş gördüyünü” qeyd edən Barak, “Ümid edirəm ki, bunu həll edəcəklər və ümid edirəm ki, tez bir zamanda bunu edəcəklər” deyib.
Barak qeyd edib ki, Vaşinqton administrasiyası Suriya hökumətinə və yeni Suriya hökumətinin ordusuna tam etibar edir.
Barak Suriyada QSD adından istifadə edən PKK/YPG-nin İŞİD-ə qarşı mübarizədə “dəyərli tərəfdaş” olduğunu iddia edərək, “yeni hökumətə hörmətlə inteqrasiya etmək imkanının olmasını təmin etmək istədiklərini” bildirib.
Orxan
