Almaniyanın Bavariya əyalətində dövlət orta məktəbinin girişində asılmış xaç iki keçmiş tələbə tərəfindən məhkəməyə aparılıb. Tələbələrin iddiası uğurlu alınıb və Bavariya İnzibati Məhkəməsi xaçın götürülməsinə qərar verib.
Gununsesi.info xarici mediaya istinadən xəbər verir ki, İddia Bavariyada dövlət liseyinin iki keçmiş tələbəsi tərəfindən qaldırılıb.
Şagirdlər məktəbdə olduqları müddətdə girişdə asılmış çarmıxa çəkilmiş İsanın təsviri olan 150 sm hündürlüyündə və 50 sm enində taxta xaçın onları narahat etdiyini bildiriblər. Məhkəmə xaçın tələbələrin “mənfi dini etiqad azadlığı” hüququnu pozduğuna qərar verib.
Qərarda qeyd olunub ki, dövlət məktəbinin dini baxımdan neytral olması tələb olunur, lakin girişdə asılan xaç bu neytrallığı pozur. Məhkəmə vurğuladı ki, tələbələr hər gün xaçla qarşılaşmağa məcbur olurlar və bundan qaçmaq üçün ağlabatan yolun olmadığı bildirildi.
Bavariya Baş naziri Markus Söderin “xaç Bavariyaya aiddir” açıqlamaları ilə tez-tez gündəmə gələn xaç ətrafında müzakirələr bu qərarla yeni bir ölçü aldı. Məhkəmə məktəbi xaçı götürməyə borclu olduğuna qərar verdi və şikayətini rədd etdi. Bununla belə, məktəbin qərardan sonra bir həftə ərzində apellyasiya şikayəti vermək hüququ var.
Günel
