ABŞ Ukraynaya artilleriya mərmiləri və mobil raket sistemləri göndərməyə başlayıb.
Gununsesi.info xarici mediaya istinadən xəbər verir ki, ABŞ rəsmiləri Vaşinqtonun Ukraynaya bəzi silah tədarükünü bərpa etdiyini bildiriblər .
Vaşinqtonun bu addımı prezident Donald Tramp administrasiyasının Kiyevə kritik silahların çatdırılmasını dayandırmasından bir neçə gün sonraya təsadüf edir.
Adının açıqlanmasını istəməyən rəsmilər Ukraynaya 155 mm-lik artilleriya mərmiləri və GMLRS (mobil raket artilleriya sistemi) raketləri göndərdiklərini bildiriblər.
Lakin onlar təmin edilən sursatların sayını və ya daşınmanın tamamlanıb-tamamlandığını açıqlamaqdan imtina ediblər. Bu yeni təslimatın Tramp administrasiyasının Ukrayna siyasətində dəyişiklik olub-olmaması aydın deyil.
Ağ Evin mətbuat katibinin müavini Anna Kelli, Müdafiə Nazirliyinin Ukraynaya müəyyən silah tədarükünü dayandırmaq qərarı ilə bağlı verdiyi açıqlamada, Pentaqonun hərbi xarici yardımı nəzərdən keçirdiyini söylədi.
Kelli qeyd edib ki, keçmiş prezident Co Baydenin administrasiyası dövründə Ukrayna üçün planlaşdırılan bəzi hərbi sursatların tədarükü “ABŞ-nin maraqlarını prioritetləşdirmək” üçün dayandırılıb.
Orxan
