ABŞ-yə məxsus kəşfiyyat təyyarəsi Yaxın Şərqdən qayıtdıqdan sonra Rusiya sərhədi yaxınlığında əlamətdar kəşfiyyat uçuşu həyata keçirib.
Gununsesi.info xarici mediaya istinadən xəbər verir ki, ABŞ Hərbi Hava Qüvvələrinə məxsus casus təyyarəsi Yaxın Şərqdə aylarla qaldıqdan sonra Rusiya sərhədi yaxınlığında kəşfiyyat uçuşu həyata keçirib. Uçuş məlumatları onun son marşrutunun təfərrüatlarını ortaya qoyur.
“JAKE17” çağırış işarəsi ilə müəyyən edilən RC-135V Rivet Joint kəşfiyyat təyyarəsi İngiltərədəki Kral Hərbi Hava Qüvvələri bazasından havaya qalxıb. O, Avropanın dost hava məkanını keçərək Estoniya, Latviya və Litva üzərindən Finlandiyaya istiqamət götürdü.
Kəşfiyyat məlumatları toplayan təyyarə Böyük Britaniyaya qayıtmazdan əvvəl Rusiyanın Baltik dənizi ərazisi olan Kalininqrad ətrafında uçub.
NATO üzvləri Litva və Polşa arasında sıxışdırılmış bu Rusiya ərazisi regionda hərbi gərginlik mərkəzlərindən biri kimi qiymətləndirilir.
Təyyarə may ayında Qətərin paytaxtı Doha yaxınlığındakı Əl-Udeyd bazasına, ABŞ-ın Yaxın Şərqdəki ən böyük aviabazasına yerləşdirilib.
Keçən ay İranın bazaya hücum etdiyi bildirilmişdi. Bu hücum ABŞ-nin İranın üç əsas nüvə obyektini bombalamasından sonra baş verib.
Orxan
