Böyük Britaniyanın enerji nəhəngi BP, 2027-ci ilə qədər 20 milyard dollarlıq aktiv satışı planının bir hissəsi olaraq Hollandiyadakı 300 yanacaqdoldurma məntəqəsini Hollandiyanın yanacaq paylama və ticarət şirkəti Catoma satmaq barədə razılığa gəldiyini açıqladı.
Gununsesi.info xarici mediaya istinadən xəbər verir ki, fevral ayında BP strategiya yeniləməsinin bir hissəsi olaraq borcun azaldılması və pul vəsaitlərinin hərəkətinin artırılması məqsədlərinə uyğun olaraq aktiv satışlarını sürətləndirəcəyini elan etdi və bərpa olunan enerji sahəsində uğursuz cəhdindən sonra investorların inamını bərpa etmək üçün daha çox neft və təbii qaza diqqət yetirəcəyini açıqladı.
Hollandiyada ilin sonuna qədər başa çatdırılması gözlənilən satış BP-nin 2023-cü ildə Türkiyədəki yanacaqdoldurma məntəqələrini satmasından sonra həyata keçirilir. Şirkətin Avstriyadakı pərakəndə şəbəkəsinin satış prosesi də davam edir.
Satış çərçivəsində yanacaqdoldurma məntəqələri ilə yanaşı, 15 elektrikli avtomobil doldurma məntəqəsi və parkın idarə olunması xidmətləri də satılacaq.
BP birinci rübün yekunlarına görə, bu il 3-4 milyard dollarlıq aktiv satışını hədəflədiyini, bunun 1,5 milyard dolları tamamlanıb və ya imzalanıb. Şirkət iyulun 31-də təqdim edəcəyi ikinci rüb üçün mənfəət hesabatında aktivlərin satışı ilə bağlı daha ətraflı məlumat verəcəyini söylədi.
Günel
