2024-cü ildə Belçikada müşayiət olunmayan 774 qaçqın uşaq itkin düşüb. Bu itkinlərdən ən azı 101-i “xüsusilə narahatedici” kimi qiymətləndirilib. Məlumatlar Qron Partiyasının deputatı Matti Vandemaelenin tələbi ilə yayımlanıb və “De Standaard” qəzetində dərc edilib.
Gununsesi.info xarici mediaya istinadən xəbər verir ki, 2024-cü ildə itkin düşən uşaqlardan yalnız 246-sı tapılıb. 500-dən çoxu hələ də tapılmayıb.
Bu itkinlərdən 101-i uşaq 13 yaşından kiçik olduğu, sonuncu dəfə təhlükəli yerdə və ya şübhəli insanların yanında göründüyü və ya fiziki, psixoloji qüsur səbəbləri ilə “xüsusilə narahatedici” kimi qiymətləndirildi.
Oxşar sayda itkinlər 2023-cü ildə də qeydə alınıb.
“Dövlət bu uşaqları qorumur”
“De Standaard”a danışan Vandemaele “Böyüklərin rəhbərliyi olmadan qaçmalı olan uşaqlar son dərəcə həssasdırlar. Dövlətimizin bu uşaqları müdafiə etməməsi böyük uğursuzluqdur”, – deyə bildirdi.
Ümumilikdə 2200-dən çox uşaq itkin düşüb
Qaçqınlara dəstək şəbəkəsi Vluchtelingenwerk Vlaanderen vurğulayır ki, son illərdə Belçikada müşayiət olunmayan 2241 qaçqın uşaq itkin düşüb.
Vandemaele bildirib ki, bu uşaqlar ölkəyə ilk gələndə onlara qəyyum təyin olunmalı və müvafiq dəstək göstərilməlidir.
O, həmçinin uşaqların küçədə dolaşmaması üçün xüsusi dəstəyi olan fərdi yaşayış mərkəzlərinin açılmasını təklif edib.
Vandemaele, həmçinin Belçikanın Uşaq Hüquqları Təşkilatının Uşaq Fokusunun əvvəlki təklifinə istinad edərək, yoxa çıxanların qarşısını almaq üçün Avropa fəaliyyət planının hazırlanmasına çağırıb:
“Qaçaq bir uşaq yeni təhlükəsiz yuva axtarır. Lakin onların tez-tez tapdıqları şey sui-istifadə, istismar və ya cinayətin qurbanı olmaq riskidir”, – deyə bildirib.
Günel
