Almaniyada 35 ildir məhv edildiyi düşünülən poliomielit virusu böyük şəhərlərin tullantı sularında yenidən aşkarlanıb. Mütəxəssislər xəbərdarlıq edir ki, infeksiyaya yoluxma riski artmaqdadır və peyvənd nisbəti narahatedici səviyyədədir…
Gununsesi.info xarici mediaya istinadən xəbər verir ki, mütəxəssislər ölkənin böyük şəhərlərinin tullantı sularında poliovirus izlərinin tapıldığını açıqlayıblar. Robert Koch İnstitutunun (RKI) məlumatına görə, indi virusun insanlar arasında yayılması “ehtimalları artır”.
Almaniyada indiyədək təsdiqlənmiş poliomielit hadisəsi qeydə alınmayıb. Bununla belə, ötürülmənin başladığına dair ciddi əlamətlər var. Buna görə də həkimlər və laboratoriyalar şübhəli hallar barədə tez məlumat verməyə və diaqnostik testləri geniş şəkildə həyata keçirməyə çağırılıb.
RKI prezidenti Lars Schaade, “Almaniyada hər kəs uşaq iflicinə qarşı peyvənd edilməlidir” deyib. Lakin məlumatlar ürəkaçan deyil: Almaniyada bir yaşlı uşaqların yalnız 21%-i tam peyvənd olunub. İki yaşa qədər bu nisbət 77%-ə yüksəlib.
Poliovirus adətən nəcislə ötürülür və çirklənmiş çirklənmiş su və ya pis gigiyena ilə yayılır. Xəstəlik tez-tez asemptomatikdir. Ancaq bəzi hallarda yüngül qızdırma və yorğunluq kimi əlamətlər görünə bilər. Virus sinir sisteminə çatdıqda, daimi iflic və ya ölüm baş verir.
Orxan
