Türkiyənin İstanbul Böyükşəhər Bələdiyyəsi (İBB) ilə bağlı aparılan korrupsiya araşdırması çərçivəsində daha 10 nəfər saxlanılıb.
Gununsesi.info bu barədə “Haber Global”a istinadla xəbər verir.
İddialara görə, istintaq İBB-nin bir neçə bağlı qurumunda baş verən maliyyə pozuntuları və vəsaitlərin qanunsuz istifadəsi ilə əlaqədardır.
Hazırda istintaq davam edir, şübhəlilərin ifadələri alınır. Rəsmi orqanlardan məsələ ilə bağlı geniş açıqlama verilməyib.
Qeyd edək ki, martın 19-da İBB-yə qarşı korrupsiya və terror iddiası ilə başladılan təhqiqatlar çərçivəsində bu günədək 280-dən çox şübhəli saxlanılıb, 110 nəfər həbs edilib.
Türkiyədə barəsində açılan cinayət işi əlaqədar vəzifəsindən kənarlaşdırılan İstanbul Böyükşəhər Bələdiyyəsinin keçmiş sədri Ekrem İmamoğlu barəsində isə artıq saxta diplomla bağlı iddianamə tamamlanıb. Prokurorluq İmamoğluna qarşı 8 il 9 ay həbs cəzası və siyasi fəaliyyətlə məşğul olmaq qadağası tələb edib. O, sentyabrın 11-də hakim qarşına çıxarılaq.
