Suriyanın Latakiya əyalətində altı gündür davam edən yanğınlar barədə danışan Fövqəladə Hallar və Fəlakətlərin İdarə Edilməsi naziri yanğınların söndürülməsi üçün beynəlxalq dəstək tələb etdiklərini açıqlayıb.
Gununsesi.info xarici mediaya istinadən xəbər verir ki, Suriyanın fövqəladə hallar və fəlakətlərin idarə olunması naziri Raed əl-Salih, Latakiya çölündə davam edən yanğınların söndürülməsi üçün Avropa Birliyi (AB) ilə əlaqə saxladıqlarını və beynəlxalq dəstək istədiklərini söylədi.
Suriya xəbərləri kanalına danışan Saleh Latakiya vilayətində təxminən bir həftədir davam edən yanğınlarla bağlı açıqlama verib.
Salih ötən gecə güclü küləyin təsiri ilə yanğının vilayətin şimal çölündə yerləşən Həsəniyyə Fələk kəndinə də keçdiyini, oradakı yanğınların Mülki Müdafiə qrupları və yerli əhalinin dəstəyi ilə nəzarət altına alındığını qeyd edib.
Əsas prioritetlərinin mülki insanları qorumaq olduğunu vurğulayan Salih, davam edən yanğınları söndürmək üçün AB rəsmiləri ilə əlaqə saxladıqlarını və beynəlxalq dəstək istədiklərini bildirdi.
Saleh bildirib ki, yanğın bir neçə yerə yayılsa da, insan itkisi olmayıb, 10 Mülki Müdafiə əməkdaşı yaralanıb və əksəriyyəti tüstüdən təsirlənib.
