Hava səyahətinin vazkeçilməz zövqlərindən biri olan içki xidməti sərnişinlərin xüsusilə uzun uçuşlarda səbirsizliklə gözlədiyi ləzzətdir. Lakin stüardessa təyyarədə verilən ən pis içkini açıqlayaraq xəbərdarlıq edib.
Gununsesi.info xarici mediaya istinadən xəbər verir ki, Aviasiya sektorunda çalışan bloq hesabında təcrübələrini paylaşan “Jet” ləqəbli stüardessa, qazlı içkilərin uçuş zamanı kabin heyətinə böyük çətinlik yaratdığını bildirib.
Jet qazlı içkilərin yüksək hündürlükdə töküldükdə normadan qat-qat çox köpükləndiyini deyib:
“Bu o deməkdir ki, qabarcıqların düşməsini gözləməli və onları yavaş-yavaş tökməliyəm. Xüsusilə sıx uçuşlarda xidmət sürətini ciddi şəkildə yavaşlatdır”.
Jetin verdiyi məlumata görə, qazlı içkilərin qabarcıqları daha yavaş söndürülür ki, bu da kabin xidmətçilərinin hər xidmət zamanı əlavə vaxt aparmasına səbəb olur.
Bu, xidmət prosesini çətinləşdirməklə yanaşı, uçuşun rahatlığına da təsir edə bilər. Jet deyir ki, kabinənin aşağı rütubətinə görə orqanizm artıq susuz qalıb və qazlı içkilər bu vəziyyəti daha da pisləşdirir. Bundan əlavə, təyyarələrdə aşağı təzyiqli mühit qazlı içkilərin mədənin şişməsinə səbəb ola bilər.
Günel Həsənova
