İsrailin İsveçrənin Bazel şəhərində mayın 17-də keçirilən “Eurovision” Mahnı Müsabiqəsində ikinci yeri tutması münsiflər heyətinin səsverməsində geri qalmasına baxmayaraq, ictimai səsvermədə ən yüksək xal toplayaraq böyük mübahisələrə səbəb olub. Qəzzaya hücumlarına görə sıx tənqidlərə məruz qalan İsrailin bu nəticəni təbliğat vasitəsi kimi istifadə etdiyi bildirilərkən, İspaniya başda olmaqla bir çox ölkə səsvermənin şəffaflığı ilə bağlı ətraflı araşdırma tələb edib.
Gununsesi.info xarici mediaya istinadən xəbər verir ki, müsabiqənin təşkilatçısı olan Avropa Yayım Birliyinin (EBU) şəffaf olmadığı iddiaları ilə tənqidlərə səbəb olub.
İspaniya, Hollandiya, Belçika, Sloveniya və İrlandiya EBU-nun referendumdakı “şəffaflığına” şübhə ilə yanaşır, bəzi təmsilçilər isə İsrailin ikinci yeri tutmasını “ədalətsiz” hesab edirlər. İspaniyanın dövlət televiziyası RTVE səslərin paylanmasının təfərrüatlı araşdırılmasını tələb edib.
İspaniyanın baş naziri Pedro Sançes İsrailin “Eurovision” Mahnı Müsabiqəsi kimi beynəlxalq yarışmalara və tədbirlərə qadağa qoyulmalı olduğunu bildirib:
“Rusiya üç il əvvəl Ukraynaya hücum etdiyi üçün “Eurovision” dan qovulub, İsrail də qovulmalıdır”.
Günel Həsənova
