Donald Tramp bildirib ki, Rusiya və Ukrayna müharibəyə son qoymaq üçün çıxış yolunu özləri tapmalıdır.
Gununsesi.info New York Times-a istinadən xəbər verir ki, Tramp bu mövqeyini 19 mayda Rusiya prezidenti Vladimir Putinlə telefon danışığından sonra Avropa liderlərinə çatdırıb.
Tramp həmçinin Avropa İttifaqının Rusiyaya qarşı tətbiq etdiyi yeni sanksiyalara ABŞ-ın qoşulmayacağını bildirib və bu istiqamətdə əvvəlki təhdidlərindən geri çəkilib.
Avropalı rəsmilər Trampın bu addımını NATO daxilində birliyin zəifləməsi və Rusiyaya təzyiqlərin azalması kimi qiymətləndiriblər. Onlar qeyd ediblər ki, ABŞ-ın yaxın zamanda Moskvaya qarşı yeni məhdudiyyətlər tətbiq edəcəyi gözlənilmir.
Qeyd edək ki, Tramp əvvəllər Rusiya-Ukrayna müharibəsini “24 saata bitirəcəyini” və yalnız onun bu problemi həll edə biləcəyini iddia edirdi.
Şəbnəm
