Tünd şokolad markası ilə bağlı südə qarşı allergiyası olanlara xəbərdarlıq edilib. Ölkə miqyasında geri çağırılan şokolad markası üçün “ən kiçik bir səhv böyük nəticələrə səbəb ola bilər” xəbərdarlığı edilib.
Gununsesi.info xarici mediaya istinadən xəbər verir ki, ABŞ Qida və Dərman İdarəsi (FDA) ciddi sağlamlıq problemlərinə səbəb ola biləcək bir desert məhsulu barədə ictimaiyyətə xəbərdarlıq edib.
Məhsulun üzərində süd olduğunu bildirən heç bir xəbərdarlıq olmadığı üçün Weaver Nut Company açıqlama verdi və məhsulun bazardan geri çağırılması prosesini başlatdı.
ABŞ Qida və Dərman İdarəsi (FDA) süd allergiyası olanların risk altında olduğunu və bu məhsulu istehlak etməməli olduğunu söylədi. Əgər alınıbsa, onun məhv edilməsi və mağazaya qaytarılması tövsiyə olunub.
Süd məhsullarına qarşı həssaslıq iki şəkildə baş verə bilər. Bunlar laktoza qarşı dözümsüzlük və süd allergiyasıdır. Bu ikisi ayrı vəziyyətdir. Laktoza qarşı dözümsüzlük fərdlərin süd şəkərini həzm etməkdə çətinlik çəkməsi, şişkinlik, qaz və mədə ağrıları, süd allergiyası isə boğazın şişməsi və nəfəs darlığı deməkdir. Və bu müalicə edilməzsə, ölümə də səbəb ola bilər.
Günel
