ABŞ-ın İrana təqdim etdiyi nüvə sazişi təklifi layihəsində iddia edilir ki, Tehrana “müəyyən müddət ərzində aşağı səviyyədə uranı zənginləşdirməyə icazə veriləcək”.
Gununsesi.info xarici mediaya istinadən xəbər verir ki, Axios xəbər platforması nüvə sazişi təklifi layihəsini bilən iki mənbəyə istinadən Vaşinqton və Tehran arasında tez-tez gərginliyi artıran nüvə danışıqları ilə bağlı yeni iddia irəli sürüb.
Hesabatda vurğulanır ki, ABŞ administrasiyasının İrana müəyyən müddət ərzində aşağı səviyyədə uranı zənginləşdirməyə icazə verəcəyi iddiası İranın uranın zənginləşdirilməsinə icazə verməyəcəyi ilə bağlı bəyanatları ilə ziddiyyət təşkil edir.
ABŞ prezidenti Donald Trampın xüsusi nümayəndəsi Stiv Vitkoffun mayın 31-də İrana təqdim etdiyi nüvə sazişi təklifi layihəsinə danışıqların növbəti raundunda müzakirə olunacaq “ilkin ideyalar” daxil edilib.
Layihəyə görə, İrana mülki məqsədlər istisna olmaqla, daxili zənginləşdirmə qabiliyyətini inkişaf etdirməyə icazə verilməyəcək və razılaşmadan sonra o, müəyyən müddət ərzində uranın zənginləşdirmə dərəcəsini 3 faizə endirməlidir.
Orxan
