Monqolustanda baş nazir Oyun-Erdene Luvsannamsrainin oğlunun dəbdəbəli həyat tərzini ortaya qoyan paylaşımları etirazlara və istefaya çağırışlara səbəb olub.
Gununsesi.info xarici mediaya istinadən xəbər verir ki, Monqolustan baş naziri Oyun-Erdene Luvsannamsrai ailəsinin dəbdəbəli həyat tərzi ölkədə etirazlara səbəb olub. Aktivistlər Baş nazirin istefasını tələb ediblər .
CNN İnternational-ın məlumatına görə, Monqolustanda etiraz aksiyaları iki həftədir paytaxt Ulan-Batorda davam edir. Bu gün baş nazir Luvsannamsraiyə etimad səsverməsi gözlənilir.
Ölkədə etirazlara səbəb baş nazir Oyun-Erdene Luvsannamsrainin oğlunun sosial şəbəkələrdəki paylaşımları olub.
Baş nazirin oğlu öz paylaşımlarında kifayət qədər təmtəraqlı şəkildə evlilik təklifi edirdi. Yazılarda helikopter səfərləri, dizayner çantaları, dəbdəbəli avtomobil və bahalı üzük də diqqət çəkib. Baş nazirin seçki kampaniyasını imkanlı ailədən olmadığını, daha çox ölkənin kənd yerindən gəldiyini əsas gətirərək apardığını nəzərə alsaq, oğlunun bu qədər böyük sərvətə necə sahib olduğu sualları verilməyə başladı.
“Oqtsroh Amarha” etiraz qrupundan 28 yaşlı Əminə (İstefa etmək asandır) deyir: “Onların heç bir aşkar gəlir mənbəyi olmadan öz dəbdəbəli çantalarını, şəxsi səfərlərini və dəbdəbəli həyat tərzlərini nümayiş etdirmələri adi Monqolustan vətəndaşının üzünə böyük bir sillədir” .
Təhlükəsizliyi səbəbilə soyadını açıqlamamağı xahiş edən qadın etirazların ailənin dəbdəbəli həyat tərzini ifşa edən sosial media paylaşımlarından kənara çıxdığını, həmçinin hakim elita ilə adi insanlar arasında getdikcə artan əlaqənin kəsilməsinə işarə etdiyini bildirib.
Orxan
