İsrail İranın nüvə silahı əldə etmək yolunda “dönüş olmayan nöqtəyə” yaxınlaşdığını iddia etsə də, ABŞ kəşfiyyatı İranın nüvə silahı əldə etməyə fəal cəhd etmədiyini və belə olsa, bunun illər alacağını ortaya qoyub.
Gununsesi.info xarici mediaya istinadən xəbər verir ki, İsrail Tehranın nüvə silahı əldə etmək səylərində “sürətlə geri dönüş nöqtəsinə yaxınlaşdığını” və bunun qarşısını almaq üçün hücuma keçdiyini iddia etsə də, ABŞ kəşfiyyatı bunun əksini ortaya qoydu.
CNN İnternational xəbər saytının verdiyi məlumata görə, ABŞ kəşfiyyatı İranın nüvə işi ilə bağlı fərqli nəticəyə gəlib.
Buna görə də İran fəal şəkildə nüvə silahı yaratmağa çalışmırdı.
Eyni qiymətləndirməyə görə, İrana belə bir silah istehsal etmək və belə bir silahla istədiyi nöqtəni hədəfə almaq üçün üç ilə qədər vaxt lazımdır.
Sözügedən kəşfiyyat qiymətləndirməsindən xəbərdar olan dörd mənbədən biri CNN-ə bildirib ki, İsrailin günlərdir davam edən hücumları İranın nüvə proqramını cəmi bir neçə aydır poza bilib. Buna görə də, İsrail Natanzdakı obyekti zədələsə də, İranın “nüvə ürəyi” kimi tanınan Fordo “toxunulmamış” olaraq qalır.
Müdafiə ekspertlərinin fikrincə, İsrailin ABŞ-ın müəyyən silahları və hava dəstəyi olmadan Fordoya zərər vurmaq gücü yoxdur.
Tramp və onun sələfi Co Baydenin dövründə Yaxın Şərq üzrə yüksək səviyyəli diplomat kimi çalışmış Brett Makqurk, “İsrail bu nüvə obyektlərinin üzərindən uça bilər, onları işlək vəziyyətə sala bilər. Amma əgər onlar həqiqətən onları sökmək istəyirlərsə, bu, ya ABŞ-nin hərbi zərbəsi, ya da razılaşma yolu ilə olacaq” deyib.
Orxan
