İsrail Ordusu Tehranda İranın Silahlı Qüvvələrinin Rabitə Mərkəzinə zərbə endirdiyini açıqlayaraq, məlumatı İranın dövlət teleradio yayımçısının binasının fotosu ilə müşayiət edib.
Gununsesi.info xəbər verir ki, bu barədə İsrailin Müdafiə Ordusunun Mətbuat xidməti məlumat yayıb.
“İranın dövlət televiziyasının binası İsrailin zərbəsindən sonra yanaraq kül olub. Televiziyanın bir neçə əməkdaşı həlak olub. İsrailin Hərbi Hava Qüvvələri Kəşfiyyat İdarəsinin kəşfiyyat məlumatlarına əsasən, İran Silahlı Qüvvələrinin hərbi məqsədlər üçün istifadə etdiyi rabitə mərkəzini hədəfə alaraq dəqiq zərbə endirib”, – məlumatda bildirilir.
Məlumat İranın əsas teleradioyayım şirkəti olan İran İslam Respublikası Yayımlarının (IRIB) qərargahı kimi görünən binanın havadan çəkilişi ilə müşayiət olunub.
