Kathimerini qəzetində dərc olunan məqalədə Yunanıstanı ən çox narahat edən məqamın zəifləmiş İranın Türkiyəni gücləndirəcəyi qeyd edilib.
Gununsesi.info xarici mediaya istinadən xəbər verir ki, İsrail – İran müharibəsi beşinci gününə qədəm qoyduqca, Yunan mətbuatı Afinanın müharibəyə necə yaxınlaşdığına dair qiymətləndirməyə yer verib.
Kathimerini qəzetinin ingilis dilində nəşr olunan “Afina İran-İsrail münaqişəsinə Ankaranın gözü ilə baxır” başlıqlı məqalədə “Yunanıstanı ən çox narahat edən zəifləmiş İranın Türkiyəni gücləndirməsidir” şərhinə yer verilib.
Vassilis Nedos Kathimerini üçün yazdığı qısa qiymətləndirmədə baş nazir Kiriakos Mitsotakis hökumətinə işarə edərək, “Yunanıstan hökumət rəsmiləri və diplomatları İran və İsrail arasında münaqişənin gərginləşməsini bir cəbhədən daha çox narahat edir” deyib.
Məqalədə deyilirdi ki, “qütbləşmənin dərinləşməsi Yunanıstanın Yaxın Şərqdəki münaqişələrdə vicdanlı vasitəçi rolunu oynamaq səylərinə mane olur” və “Yunanıstan belə bir vasitəçi olaraq qalmaq istəsə də, İsraillə getdikcə daha yaxın münasibətlərinə böyük dəyər verir”.
Bu iki məqsədin uzlaşdırılmasının Birləşmiş Millətlər Təşkilatında (BMT) İsraili tərk etmiş kimi görünmədən, bəzən çoxluğun arxasınca getməklə nazik bir ip üzərində danışıqlar aparmağı tələb etdiyinə diqqət çəkən məqalə, Afinanın Qəzzaya humanitar yardımın yenidən başlamasına icazə verilməsi üçün atəşkəs lehinə səs verdiyini nümunə olaraq verdi.
Məqalə bu sözlərlə yekunlaşır: “Lakin Yunanıstanı ən çox narahat edən odur ki, zəifləmiş İran nominal müttəfiq və əslində onun suverenliyinə qarşı ən böyük təhlükə hesab edilən Türkiyəni gücləndirəcək. Amma bir çox ərəb ölkələrinin İranın alçaldılmasını istəməsi onu təsəlli edir.”
Orxan
