1980-ci illərdə zorakı məzmunlu olduğu üçün kinoteatrlardan silinən mübahisəli qorxu filmi “Səssiz Gecə, Ölümcül Gecə” böyük ekranlara qayıdır.
Gununsesi.info xarici mediaya istinadən xəbər verir ki, 1984-cü ildə çəkilmiş filmin remeyki 2025-ci il Milad mövsümündə kinoteatrlarda olacaq.
Qanlı səhnələri ilə diqqət çəkən Dəhşət 3 filminin prodüser qrupu bu layihəni öhdəsinə götürür.
Dəhşətli 3 filmi ötən ilin dekabrında buraxıldı və dünya üzrə 90 milyon dollar gəlir əldə etdi.
Qorxu məzmunu ilə tanınan Bloody Disgusting saytı tərəfindən elan edilən yeni versiyanın senzurasız kəsimi 12 dekabr 2025-ci ildə yayımlanacaq.
1984-cü ildə çəkilmiş orijinal film, Milad ərəfəsində ailəsi Santa Klaus kostyumunda bir adam tərəfindən öldürülən Billy Chapmanın yaşadığı travma haqqında idi. Billi daha sonra göndərildiyi uşaq evində rahibələr tərəfindən zorakılığa məruz qalır və illər sonra o, Şaxta baba kostyumu geyinərək qətllər törətməyə başlayır.
Film yayımlanarkən böyük reaksiyalara səbəb olmuş, xüsusilə də valideynlərin sıx şikayətləri nəticəsində kinoteatrlardan yığışdırılmışdır. Lakin qalmaqallara baxmayaraq, 1980-ci və 1990-cı illərin əvvəllərində daha dörd davam filmi çəkildi. 2012-ci ildə Malcolm McDowell və Jaime King-in oynadığı remeyk də var idi.
Halloween Ends filmində Kori Kanninqem obrazını canlandıran Rohan Kempbell yeni versiyada Billi Çapmanın baş rolunu canlandıracaq.
Orxan
