Koreya Xalq Demokratik Respublikasının (KXDR) hakimiyyəti respublikanın birinci lideri Kim İr Senin anadan olduğu gündən hesablanan Cuçe təqvimindən istifadə etməyi dayandırıb.
Gununsesi.info xəbər verir ki, bu barədə “Yonhap” Cənubi Koreyanın Birləşmə Nazirliyindəki mənbəyə istinadən yazır.
“Bu, yəqin ki, Şimali Koreyanın hazırkı lideri Kim Çen Inın öz şəxsiyyətinə pərəstiş yaratmaq səylərinin bir hissəsidir”, – deyə mənbə bildirib.
Bildirilir ki, KXDR-in əsas qəzeti “Nodong Sinmun” oktyabrın 13-də Cuçe təqvimindən istifadəni dayandırıb, sentyabrın 12-də isə dövlət başçısının bacısı Kim Yo Conq çıxış edərək 2024-cü ildən bəhs edib.
Eyni zamanda mənbə Şimali Koreya hakimiyyətinin qəfil ləğv əvəzinə təqvimdə mərhələli dəyişiklik edəcəyini təklif edib.
Juche təqvimi 1997-ci ildə, Kim İr Senin ölümündən üç il sonra qəbul edilib.
Təqvim başlanğıc nöqtəsi kimi 1912-ci ili götürüb və Qriqorian təqvimi ilə birlikdə istifadə olunurdu.
Afət
