Sel Şamaxıda yolu dağıdıb. Dünənki yağıntılardan sonra yolda çökmələr əmələ gəlib.
Gununsesi.info xəbər verir ki, Şamaxı rayonunun Çağan kəndini mərkəzlə birləşdirən yolda belə vəziyyətdədir. Torpaq sürüşməsi yolun təqribən 30 metrlik bir hissəsində olub və ərazi 1 metr dərinlikdə dağılıb. Yararsız hala düşən yoldan kənd sakinləri gündəlik istifadə edirlər.
Kənd sakinlərinin qorxusu odur ki, yol tamamən dağıla bilər. Belə olarsa kəndlə əlaqə kəsiləcək. Yol kənarındakı uçqun isə gündən-günə genişlənir.
Şamaxı Rayon İcra Hakimiyətindən bildirilib ki, son günlər rayon ərazisinə yağan intensiv yağışlar nəticəsində Çağan kəndinə gedən yolun müəyyən hissəsində sel suları nəticəsində sürüşmə faktı qeydə alınıb. Yaxın günlərdə həmin yolda təmir işlərinə başlanılacaq.
