TikTok-da 100 mindən çox izləyicisi olan 19 yaşlı Anna Qreys Felan beyin xərçəngindən vəfat edib.
Gununsesi.info xarici mediaya istinadən xəbər verir ki, Felanın ailəsi kədərli xəbəri gənc qızın TikTok hesabından açıqlayıb.
Açıqlamaya görə, Anna Qreys mayın 23-ü cümə günü vəfat edib.
ABŞ-nin Florida ştatında anadan olan Anna Qreys Felan orta təhsilini Corciyada bitirib. Tibb mərkəzində resepsiyonist kimi çalışan fenomen, 2024-cü ildə universitetə başlamasına bir neçə gün qalmış müxtəlif sağlamlıq problemləri yaşamağa başladı.
Phelan dördüncü mərhələdə beyin xərçəngi olduğunu və şişinin bədxassəli olduğunu öyrəndi.
Müalicə prosesini TikTok hesabında izləyiciləri ilə paylaşan Anna Qreys Felan əvvəlcə üzündə və ayaqlarında uyuşma olduğunu bildirib. MRT nəticəsində gənc qızın beynində zədə aşkar edilib.
Mayo Klinikasına görə, bu növ şişlər beyin və ya onurğa beynində başlayan hüceyrə böyümələri kimi müəyyən edilir.
Phelan, tənəffüs çatışmazlığı və başgicəllənmə kimi simptomların sonrakı həftələrdə ortaya çıxdığını da bildirdi. Mayın 14-də yayımladığı başqa bir videoda o, şişin böyüdüyünü və əməliyyat oluna bilməyəcəyini izah edib və izləyicilərindən dua istəyib.
Mayın 29-da Gürcüstanda Anna Qreys Felan üçün dəfn mərasimi keçiriləcək.
Orxan
