İsrailin xarici işlər naziri Saar, ölkələrin Fələstini tanıması halında İordan çayının qərb sahilini və İordan vadisini birtərəfli qaydada ilhaq edəcəyi ilə hədələyib.
Gununsesi.info xarici mediaya istinadən xəbərinə görə, İsrailin xarici işlər naziri Gideon Saar “İsrail Hayom” qəzetinə verdiyi müsahibədə bildirib ki, Fransa və İngiltərə də daxil olmaqla ölkələr Fələstini tanısalar, işğal altındakı İordan çayının qərb sahili və İordaniya vadisindəki yaşayış məntəqələrini birtərəfli qaydada ilhaq edəcəklər.
Saar, ” İsrailə qarşı atılan hər hansı birtərəfli addımın İsrail tərəfindən birtərəfli addımlarla qarşılanacağı” ilə hədələyib.
Qəzet Saarın açıqlamalarının iyunun 18-də Fransa prezidenti Emmanuel Makronun rəhbərliyi altında və Səudiyyə Ərəbistanının dəstəyi ilə Nyu-Yorkda keçirilməsi planlaşdırılan və Fələstin dövlətinin tanınmasının tələb olunacağı beynəlxalq konfransdan əvvəl gəldiyini qeyd edib.
Qəzetin diplomatik mənbələrdən aldığı məlumata görə, Makron bu tarixdə bir çox ölkənin Fələstin dövlətini tanıdıqlarını elan etməsini hədəfləyir.
Bu inkişaf İsrail hökumətinin sərt reaksiyasına səbəb olmuşdu, iddialara görə Makron daha əvvəl Tel-Əvivi belə bir addımın atılmayacağına zəmanət vermişdi.
Digər tərəfdən, qəzet ABŞ-nin bu konfransda iştirak etməyəcəyini İsrailə xəbər verdiyini, lakin digər ölkələrə onları çəkindirmək üçün ictimaiyyətə təzyiq etməyəcəyini yazıb.
Orxan
