Qeyri-qanuni spa mərkəzinə edilən basqın zamanı bir oyuncaq ayının içinə tikilmiş 600 min dollar dəyərində nağd pul ələ keçirilib.
Gununsesi.info xarici mediaya istinadən xəbər verir ki, ABŞ-nin Nyu-Cersi ştatının Edison qəsəbəsindəki qeyri-qanuni spa mərkəzinə edilən basqın zamanı oyuncaq ayının içərisinə gizlədilmiş cəmi 600 min dollar pul ələ keçirilib.
Əməliyyat zamanı dəbdəbəli avtomobillər və saatlar da daxil olmaqla yüz minlərlə dollar dəyərində var-dövlət ələ keçirilib.
47 yaşlı Daniela Diyennoya məxsus “Bliss Spa” adlı mərkəzə təxminən bir il davam edən gizli araşdırmadan sonra basqın edilib. Eyni zamanda Diyennonun evində də eyni vaxtda əməliyyat keçirilib. Evdəki doldurulmuş oyuncaq heyvanın içərisindən tapılan 600 min dollardan əlavə, polis 2025-ci ilin Tesla Model Y, Rolex və Cartier dəbdəbəli saatlarını da ələ keçirib. Bundan əlavə, spa sahibinin bank hesablarında əlavə 104,373 dollar tapılıb və ələ keçirilən ümumi məbləğ şəhərin tarixində ən böyük aktiv müsadirəsi olub.
