Rusiya lideri Putinin “qarşısını almaq mümkün olmayan” adlandırdığı “Oreşnik” raketləri 2025-ci ilin sonuna kimi Belarusda yerləşdiriləcək. Bəs “Oreshnik” nə dərəcədə təhlükəlidir?
Gununsesi.info xarici mediaya istinadən xəbər verir ki, Belarus Təhlükəsizlik Şurasının katibi Aleksandr Volfoviç bildirib ki , Moskva 2025-ci ilin sonuna kimi Belarusa bir neçə “Oreşnik” raketi yerləşdirməyi planlaşdırır .
Rusiyanın fövqəldövləti kimi təsvir edilən “Oreşnik” orta mənzilli ballistik raketdir və inkişaf etmiş hava hücumundan müdafiə sistemlərindən yan keçə bilir.
Kremlpərəst jurnalist Aleksandr Yunaşev bildirib ki, Belarus prezidenti Aleksandr Lukaşenko Moskvadan 2024-cü ilin dekabrında Belarusa 10 Rusiyanın “Oreşnik” raket komplekslərini yerləşdirməyi tələb edib.
“Onun yerləşdiriləcəyi yerlər artıq müəyyən edilib”, – Volfoviç bildirib.
2023-cü ilin mayında iki ölkə arasında imzalanan sazişdən sonra Moskvanın əsas müttəfiqi olan Belarusun öz ərazisində Rusiyanın taktiki nüvə silahlarına ev sahibliyi etdiyi bildirilir.
Lukaşenko 2023-cü ilin dekabrında bildirmişdi ki, Rusiya nüvə silahlarının Belarusa təhvil verilməsi oktyabrın əvvəlində tamamlanıb.
Orxan
