Prodüser Andrea İervolino ABŞ Prezidenti Donald Tramp haqqında film hazırlamaq üçün potensial tərəfdaşlar axtarır.
Gununsesi.info xəbər verir ki, bu barədə “Deadline” nəşri məlumat verib.
Məlumata görə, İervolino layihəyə böyük büdcə – təxminən 100 milyon dollar cəlb etməyi planlaşdırır. Aktyorlar hələ müəyyən edilməyiblər, lakin çəkilişlərin 2025-ci ilin sonunda ABŞ-də başlaması nəzərdə tutulur.
İervolino qarşıdan gələn layihəni “ABŞ-nin 45-ci və 47-ci prezidenti, maqnat, televiziya ikonası Donald Trampın həyatı və irsi haqqında bioqrafik film” kimi xarakterizə edib. O qeyd edib ki, Trampın müasir dövrə təsiri “danılmazdır”.
Bildirək ki, Andrea İervolino opera müğənnisi Andrea Boçelli haqqında “Səssizliyin musiqisi” və “Ferrari” kimi biopikləri çəkib. O həmçinin III Con Pol Qettinin oğurlanmasından bəhs edən və baş rollarını Al Paçino və Keti Holmsun oynacayağı “Əsir” filmi üzərində də işləyir.
