ဇွန်-၃၀၊၂၀၂၅။ဇော်ရမ်း/People’s Spring
ကချင်လွတ်လပ်ရေးတပ်မတော်(KIA)ထိန်းချုပ်ထားသည့် ဖားကန့်မြို့နယ်၊ ဆိုင်းတောင်ရွာမှ စက်သုံးဆီဆိုင်တစ်ဆိုင်၏ ခြံဝန်းထဲမှ ဆီသိုလှောင်ကန်မှာယနေ့ မနက်မီးလောင်ခဲ့သည်။
ဇွန်လ ၃၀ရက် နံနက် ၁၀နာရီခန့်၌ မီးလောင်နေခြင်းဖြစ်ပြီး လောင်ကျွမ်းအားကောင်းခဲ့ကြောင်း ဒေသခံတစ်ဦးကပြောသည်။
“စက်သုံးဆီဆိုင်ဆိုတော့ မီးထိန်းဖို့မလွယ်ဘူးဖြစ်နေတယ်။ဘေးအိမ်တွေလည်း ပြာယာခပ်နေပြီ”ဟု ၎င်းကဇွန် ၃၀ ရင် နံနက် ၁၀ နာရီကျော်တွင် ပြောသည်။
Public Service Announcement
ထပ်မံရရှိသောသတင်းအရစက်သုံးဆီဆိုင်ဝင်းအတွင်းဆီသိုလှောင်ကန် မီးလောင်ခြင်းဖြစ်ပြီး ၁၀နာရီ ၅၀မိနစ်ခန့်မှစ၍ မီးထိန်းနိုင်ပြီဟု ဒေသခံအချို့ကပြောသည်။
ဆိုင်းတောင်ရဲစခန်းကို KIA၊KPDF ပူးပေါင်းတပ်ကက၂၀၂၄ခုနှစ် ဇူလိုင်လတွင် တိုက်ခိုက်သိမ်းယူပြီး ထိန်းချုပ်ထားခြင်းဖြစ်သည်။ ဖားကန့်မြို့နယ်အတွင်း လက်ရှိရောက်နေ သောစစ်ကောင်စီတပ်စစ်ကြောင်းသည် ဆိုင်းတောင်ရွာသို့ ဦးတည်လာနိုင်ကြောင်းလည်း ဒေသခံစစ်ရေးသတင်းရေမြစ်များက သုံးသပ်ထားသည်။ ဆိုင်းတောင်ရွာမှ စက်သုံးဆီဆိုင်မီးလောင်ရသည့်အကြောင်းအရင်းကို မသိရှိရသေးပေ။
