Arvadına dəbdəbəli hədiyyələr verməkdə ittiham olunan şamanla bağlı aparılan istintaq çərçivəsində Cənubi Koreyanın keçmiş prezidenti Yoonun evinə basqın edilib.
Gununsesi.info xarici mediaya istinadən xəbər verir ki, 2024-cü ilin dekabrında Cənubi Koreyada hərbi vəziyyət elan olunduğu üçün prezident vəzifəsindən uzaqlaşdırılan və prezident iqamətgahından paytaxt Seuldakı mənzilə köçən Yoon Suk Yeolun evinə hüquq-mühafizə orqanları tərəfindən basqın edilib.
Keçmiş prezidentin evinə “arvadına dəbdəbəli hədiyyələr almaqda” ittiham olunan şamanla bağlı başladılan istintaq çərçivəsində basqın edildiyi açıqlanıb. Yonhap xəbər agentliyinin məlumatına görə, prokurorluq Yoonun evinə basqının “onun ailəsi ilə mübahisəli şaman arasında münasibətlərə dair müxtəlif şübhələrin araşdırılması çərçivəsində” həyata keçirildiyini bildirib.
Şaman Jeon Seong-bae Moon sektasının yüksək rütbəli məmurundan brilyant boyunbağı, dəbdəbəli çanta və minlərlə Cənubi Koreya vonu dəyərində jenşen almaqda və keçmiş birinci xanım Kim Keon Hiyə verməkdə ittiham olunur. Bununla belə, Jeon ona qarşı irəli sürülən ittihamları rədd edir və onları heç vaxt kimə təhvil vermədiyini iddia edir.
Orxan
