Çinin xarici işlər naziri Vanq Braziliyada keçirilən BRİKS toplantısında bildirib ki, Tramp öz tələblərini digər ölkələrə tətbiq etmək üçün rüsumlardan istifadə edir.
Gununsesi.info xarici mediaya istinadən xəbər verir ki, Çinin xarici işlər naziri Vanq Yi Braziliyanın Rio-de-Janeyro şəhərində keçirilən BRİKS Xarici İşlər Nazirləri Toplantısında çıxış edib.
Wang, Vaşinqton administrasiyasını ABŞ prezidenti Donald Trampın tarif siyasəti səbəbiylə artan ticarət gərginliyində zorakılıqda ittiham edərək , ölkəsinin bu məsələdə heç vaxt güzəştə getməyəcəyini vurğulayıb.
Çin Xarici İşlər Nazirliyindən verilən açıqlamaya görə, Vanq ABŞ administrasiyasının tarif siyasətində birtərəflilik izlədiyini və öz ölkəsinin maraqlarını bütün beynəlxalq ictimaiyyətin maraqlarından üstün tutduğunu bildirib.
Uzun müddətdir azad ticarətdən böyük qazanc əldə edən ABŞ-ın digər ölkələrə həddindən artıq tələblərini tətbiq etmək üçün tariflərdən bir kozır kimi istifadə etdiyinə diqqət çəkən Wang, “Güzəştlər (ABŞ-a) yalnız zorakılığı təşviq edəcək” deyib.
Vanq Çinin çoxtərəfliliyi və çoxtərəfli ticarət qaydalarını qoruyacağını bildirib, BRİKS ölkələrini proteksionizmin bütün formalarına qarşı çıxmağa və mərkəzi Ümumdünya Ticarət Təşkilatı ilə çoxtərəfli ticarət sistemini qorumağa çağırıb.
Orxan
