ABŞ prezidenti Tramp, İsrailin hücumlarından sonra verdiyi açıqlamada, nüvə anlaşması üçün İrana şans ardınca şans verdiklərini müdafiə etdi.
Gununsesi.info xarici mediaya istinadən xəbər verir ki, İsrailin İrana hücumundan sonra ABŞ prezidenti Donald Tramp Truth Social sosial media platformasında paylaşım edib.
Tramp İran və ABŞ arasında aparılan nüvə danışıqlarına toxunaraq, “İrana şans ardınca razılaşma şansı verdim. Onlara ən sərt şəkildə dedim ki, “bunu et və bunun üçün get”. Amma nə qədər cəhd etsəm də və nə qədər yaxınlaşsaq da, bunu əldə edə bilmədilər”.
İrana “bunun onların bildiyindən, gözlədiyindən və ya deyildiyindən daha pis olacağını” dediyini iddia edən Tramp, ABŞ-ın dünyanın ən yaxşı və ən ölümcül hərbi texnikasını istehsal etdiyini və İsrailin buna çox sahib olduğunu söylədi. İsrailin də bu hərbi texnikadan necə istifadə edəcəyini bildiyini deyən Tramp, İrandakı bəzi radikalların cəsarətlə danışdıqlarını, lakin nə olacağını bilmədiklərini iddia edərək, “İndi onların hamısı öldü və işlər daha da pisləşəcək” deyib.
Onsuz da çoxlu ölüm və dağıntı olduğunu deyən Tramp “bu qırğını dayandırmaq üçün hələ vaxt var və hazırda planlaşdırılan növbəti hücumlar daha da ölümcül olacaq deyib.
ABŞ prezidenti yazısını bu sözlərlə yekunlaşdırıb: “İran heç bir şey qalmadan və bir vaxtlar İran İmperiyası kimi tanınan məhvi xilas etmək üçün razılığa gəlməlidir”.
Orxan
