Sibirdə tapılan 14 min illik itlərin müayinəsi zamanı məlum olub ki, iki heyvan ev iti deyil, canavardır.
Gununsesi.info xarici mediaya istinadən xəbər verir ki, yeni araşdırmalara görə, 2011 və 2015-ci illərdə Sibirin şimalında əbədi buzlaq altında aşkar edilən iki körpə heyvan ev itləri deyil, canavar idi. 14.000 il əvvələ aid olan bu yaxşı qorunan balaların əkiz bacılar olduğu müəyyən edilib.
Tədqiqatçılar canavar balalarının son mədə tərkibini araşdırdılar və heyvanların sonuncu dəfə yunlu kərgədan ətini və quyruq adlanan kiçik bir quşu yediklərini aşkar etdilər ki, bu da onların ətyeyən, eyni zamanda müxtəlif bitkilərlə qidalanan hər şeyi yeyən canlılar olduğunu göstərir.
Canavar balaları Tumat rayonuna yaxın Syalax ərazisində qalın torpaq və buz qatları altında saxlanılıb. Eyni ərazidə insanlar tərəfindən yandırıldığı düşünülən mamont sümüklərinin də tapılması, buranın mamontların kəsildiyi yer ola biləcəyinə işarə edir.
Başlanğıcda əhliləşdirilmiş itlər olduğu düşünülən balaların mamont əti yeməmələri, onların əslində, canavar olduğuna dair ən böyük ipucu idi. İnsanlarla yaşasaydılar, yəqin ki, eyni ətlə qidalanardılar. Bu tapıntı növlərin fərqləndirilməsində həlledici oldu.
Sibirin permafrost bölgəsində daha əvvəl aşkar edilmiş 40.000 illik at, mükəmməl qorunmuş canavar başı, bizon və bir quşun fosilləri ilə keçmişə işıq salmağa davam edir.
Orxan
