
Bu gün Türk Aerokosmik Sənayesinin (TUSAŞ) Ankaradakı baş qərargahında partlayış baş verib.
Gununsesi.info xəbər verir ki, yerli vaxtla saat 15:20 radələrində kamikadze hücumu həyata keçirilib. Məsələ ilə bağlı Millət vəkili Naqif Həmzəyev açıqlama verib.
O, terroru törətmiş şəxslər və təşkilatçıların mütləq cəzalarını alacaqlarını vurğulayıb:
“Baş vermiş terror hadisəsi məni və bütün Azərbaycan xalqını çox üzdü. Bu, çox acı xəbər oldu. Türk dövlətinin və millətinin başı sağolsun. İnanıram ki, bu terroru törətmiş şəxslər və təşkilatçılar mütləq cəzalarını alacaqlar. Hər zaman qardaş Türkiyənin yanındayıq”,- deyə N.Həmzəyev bildirib.
Qeyd edək ki, terror hadisəsi nəticəsində 4 nəfər həlak olub, 14 nəfər dünyasını dəyişib.