Hindistanın bəzi bölgələrində doğum nisbətlərinin azalması səbəbindən məktəblər bağlanır. Son iki ildə ölkə üzrə onlarla məktəb şagird çatışmazlığı səbəbindən bağlanıb.
Gununsesi.info xarici mediaya istinadən xəbər verir ki, Hindistanın bəzi bölgələrində , ölkədə doğum nisbətlərinin aşağı düşməsi səbəbindən məktəblər bağlanmağa məcbur olub.
Əvvəllər Hindistan Maliyyə Nazirliyinin baş iqtisadçısı və Baş nazir Narendra Modinin İqtisadi Məsləhət Şurasının üzvü olan iqtisadçı Sanjeev Sanyal, bu cür bağlanmaların “daha rutin” olması lazım olduğunu söylədi.
Hindistanın aparıcı maliyyə qəzetlərindən biri olan Mint-ə Sanyal deyib: “Hazırda əhalimiz yalnız ona görə artır ki, biz daha uzun yaşayırıq, kifayət qədər övladımız yoxdur. Nə vaxt məktəbləri bağlamalıyıq desəm, insanlar bu barədə çox emosional olurlar”.
Qeyd edək ki, Dünyanın ən sıx məskunlaşdığı ölkə olan Hindistan, doğum səviyyəsinin aşağı düşməsi və əhalinin qocalması ilə üzləşən bir çox ölkələrdən biridir.
Dünya Bankının məlumatlarına görə, ölkədə bir qadına düşən orta uşaq sayına istinad edən doğum əmsalı 2023-cü ildə 2-yə düşüb. Bu göstərici 1950-ci ildə 5,7 olub.
Orxan
