Azərbaycan Kubokunda finalçılar müəyyənləşir

  • By Günel
  • 23 Aprel 2025 08:51

Bu gün futbol üzrə Azərbaycan Kubokunda yarımfinal mərhələsinin cavab oyunları keçiriləcək.

Gununsesi.info xəbər verir ki, ilk olaraq “Qarabağ” Tofiq Bəhramov adına Respublika Stadionunda “Araz-Naxçıvan”la qarşılaşacaq.

Baş hakim Rəvan Həmzəzadənin idarə edəcəyi görüş saat 17:00-da start götürəcək. Tərəflər arasında baş tutan ilk matçda Elmar Baxşıyevin komandası 1:0 hesablı qələbəyə sevinib. Mərhələnin digər oyununda isə “Bank Respublika Arena”da “Sabah” və “Neftçi” komandaları üz-üzə gələcək. Saat 20:00-da başlayacaq qarşılaşmada ədaləti çimərlik futbolu üzrə FIFA referisi İnqilab Məmmədov qoruyacaq. İlk oyunda “bayquşlar” qələbə qazanıb – 2:1.

Qeyd edək ki, Azərbaycan Kubokunun final oyunu mayın 31-də, Mehdi Hüseynzadə adına Sumqayıt şəhər stadionunda keçiriləcək.

Azərbaycan Kuboku

Yarımfinal, cavab oyunları

23 aprel

17:00. “Qarabağ” – “Araz-Naxçıvan”
(İlk oyun – 0:1)

Hakimlər: Rəvan Həmzəzadə, Cəmil Quliyev, Şirmamed Mamedov, Əliyar Ağayev
VAR: Kamal Umudlu
AVAR: Rauf Cabarov
Hakim-inspektor: Vüsal Əliyev
AFFA nümayəndəsi: Elgiz Abbasov
Tofiq Bəhramov adına Respublika Stadionu

20:00. “Sabah” – “Neftçi”

(İlk oyun – 2:1)
Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev
VAR: Nicat İsmayıllı
AVAR: Tural Qurbanov
Hakim-inspektor: Babək Quliyev
AFFA nümayəndəsi: Seymur Səlimli
“Bank Respublika Arena”

Gununsesi.info