Böyük Britaniyanın audit hesabatı hökumətin qadınlara qarşı zorakılıqla mübarizədə aciz olduğunu ortaya qoyub.
Gununsesi.info xarici mediaya istinadən xəbər verir ki, xüsusilə 2021-ci ildə Sarah Everard və Sabina Nessa cinayətlərindən sonra qüvvəyə minən strategiyanın qadın və qızların təhlükəsizliyinin təmin edilməsində qeyri-kafi olduğu bildirilib.
Hesabatda qadınlara qarşı zorakılığın təkcə fərd deyil, həm də sosial böhran olduğu vurğulanaraq, bu problemin sosial, fiziki, psixoloji və iqtisadi təsirləri ilə bağlı daha əhatəli araşdırmaların aparılmasının zəruriliyinə diqqət çəkilib.
Səlahiyyətlilər bildiriblər ki, qadınlara qarşı zorakılıq 2022-2023-cü illər arasında polisə bildirilən bütün cinayətlərin 20 faizini təşkil edəcək. Hesabatda məlum olub ki, Daxili İşlər Nazirliyi bu məsələdə aparıcı rol oynasa da, hökumət ümumiyyətlə qeyri-mütəşəkkil strategiyaya riayət edib.
İctimai Hesablamalar Komitəsinin sədri ser Geoffrey Clifton-Brown dedi: “Hökumətin qadınlara qarşı zorakılıqla mübarizəyə parçalanmış yanaşması qurbanlar üçün müsbət nəticələr vermədi”.
2023-2024-cü illər arasında cinsi təcavüz qurbanlarının nisbəti 3,4 faizdən 4,3 faizə yüksəlib. Məişət zorakılığı nisbətində cüzi azalma olsa da, polisə bildirilən zorlama və cinsi təcavüz hadisələrinin sayının 34 mindən 123 minə yüksəldiyi vurğulanıb.
Səlahiyyətlilər artımın qismən qeydiyyat sistemlərinin təkmilləşdirilməsi ilə bağlı olduğunu desələr də, zorakılıq hallarının yüksək olaraq qaldığını qeyd ediblər.
Orxan Saffari
