Dövlət Ekoloji Təhlükəsizlik Xidmətinin əməkdaşları tərəfindən son bir həftə ərzində keçirilən nəzarət tədbirləri zamanı Şabran və Qusar rayonlarının inzibati ərazisində yaşıllıqların qanunsuz kəsilməsi faktları aşkar olunub.
Bu barədə Gununsesi.info-ya Dövlət Ekoloji Təhlükəsizlik Xidmətindən bildirilib.
Qeyd edilib ki, araşdırma zamanı Şabran rayonu Bakı-Quba avtomobil yolunun kənarında yerləşən “Bakı” ictimai-iaşə obyektinin ərazisində, eyni zamanda ona bitişik torpaq sahəsində və Qusar rayonu Mucuq kəndi ərazisində ağacların qanunsuz kəsilməsi ilə bağlı təbiətə 13440 manat məbləğində ziyan dəydiyi müəyyən edilib.
