Dünyada nüvə silahı yarışı davam edərkən, İran ərazisində peyk vasitəsilə çəkilmiş qeyri-adi görüntü diqqəti cəlb edib. Ölkənin nüvə planları ilə bağlı yeni suallar doğuran görüntülərdə ərazidə iki gizli tunelin olduğu görünür. Hər iki tunelin daha böyük kompleksin bir hissəsi olduğu və nüvə əməliyyatları üçün hazırlandığı düşünülür.
Gununsesi.info xarici mediaya istinadən xəbər verir ki, Elm və Beynəlxalq Təhlükəsizlik İnstitutunun təhlilinə görə, yeni peyk görüntüləri İranın əsas uranın zənginləşdirilməsi obyekti yaxınlığında böyük yeraltı kompleksi gücləndirdiyini göstərir.
Gücləndirmə səyləri ABŞ və İsrailin İranın nüvə obyektlərinə hərbi zərbələr endirməklə hədələdiyi bir vaxta təsadüf edir.
ABŞ və İran hazırda İranın nüvə proqramı ilə bağlı danışıqlar aparır, lakin prezident Donald Tramp danışıqların nəticəsiz qalacağı təqdirdə hücumla hədələyib. İsrail İranın nüvə silahı əldə etməsinin qarşısını almaq üçün lazım gələrsə, ona təkbaşına hücum edəcəyini bildirib.
Qeyri-kommersiya təşkilatının məlumatına görə, ərazidə iki tunel obyekti var: Bu il istifadəyə verilə biləcək yeni, dərin tunel və 2007-ci ildən qalma köhnə tunel 2023-cü ilin sonundan etibarən əsaslı təmirə məruz qalıb. Belə qənaətə gəlinib ki, İran hər iki obyekti həssas nüvə əməliyyatları üçün hazırlayır.
