Venesuela “terror təhlükəsi” səbəbilə qonşusu Kolumbiyaya bütün uçuşları müvəqqəti olaraq dayandırıb.
Gununsesi.info xarici mediaya istinadən xəbər verir ki, Venesuela, “terror təhlükəsi” səbəbiylə qonşu Kolumbiyaya bütün uçuşları müvəqqəti olaraq dayandırdığını açıqladı.
Daxili işlər naziri Diosdado Kabello dövlət televiziyası VTV-yə bildirib ki, Kolumbiyadan ölkəyə çoxlu sayda muzdlu əsgər daxil olub və buna görə də mayın 25-də keçiriləcək parlament seçkiləri ərəfəsində bir sıra ehtiyat tədbirləri görməyə qərar veriblər.
Seçkilərə təxribat cəhdlərinin edildiyini iddia edən Kabello, “Biz bütün mediaya uçuşları dayandırmaq əmri vermişik. Venesuela Çünki bizdə olan məlumata görə, zorakılıq, terror və mafiya ilə əlaqəsi olan insanların Kolumbiyadan quru sərhədindən istifadə edərək ölkəyə daxil olduğunu müəyyən etdik” ifadələrdən istifadə edib.
Cabello 17-si əcnəbi olmaqla ümumilikdə 38 nəfərin saxlanıldığını, tutulanlar arasında Kolumbiya, Meksika və Ukrayna vətəndaşlarının da olduğunu bildirib.
Kolumbiyanın keçmiş prezidentləri İvan Duke, Xuan Manuel Santos, Alvaro Uribe və Andres Pastrananı Venesuelada “sui-qəsd qurmaqda və terror fəaliyyəti ilə məşğul olmaqda” ittiham edən Kabello buna imkan verməyəcəklərini vurğulayıb.
Ölkədəki səfirlik binalarına edilən hücumlarla bağlı kəşfiyyat məlumatları da aldıqlarını ifadə edən Cabello, “Hücum üçün əsas hədəf olaraq Venesuelada akkreditə olunmuş səfirliklər seçildi. Polis bölmələri, xəstəxanalar, sağlamlıq mərkəzləri və transformator mərkəzləri də hədəflər arasındadır” deyib.
Orxan
