Səhiyyə Nazirliyi Türkiyədə xəstəxanaya yerləşdirilən Beth Martinin ürəyinin İngiltərədə aparılan yarılma zamanı yerində tapılmadığı iddiaları ilə bağlı açıqlama verib.
Gununsesi.info xarici mediaya istinadən xəbər verir ki, Səhiyyə Nazirliyi Türkiyədə tətili zamanı həyatını itirən İngiltərə vətəndaşı Beth Martinin İngiltərədə aparılan yarılma zamanı ürəyinin yerində tapılmadığı iddiaları və xəbərlərlə bağlı açıqlama verib .
Nazirliyin açıqlamasında Martinin həyat yoldaşı ilə birlikdə İngiltərədən İstanbula uçan təyyarədə xəstələndiyi, ürəkbulanma və qusma şikayətləri olduğu, ailəsi ilə birlikdə qaldığı oteldə vəziyyətinin pisləşdiyi və təcili yardım maşını ilə Mərmərə Universiteti Pendik Təhsil və Araşdırma Xəstəxanasının təcili yardım xidmətinə aparıldığı bildirilib.
“Müalicə prosesi əsnasında heç bir cərrahi əməliyyat olmayıb”, – deyə bildirilib və “Crohn” kimi tanınan nazik bağırsaq xəstəliyi diaqnozu qoyulan, qaraciyər funksiyası testləri yüksək olan və qan təzyiqi aşağı olan xəstəyə “Zəhərli Hepatit və Septik Şok” diaqnozu qoyuldu”
Müayinədən və ilkin müdaxilələrdən sonra reanimasiyaya alınan xəstənin çoxlu orqan çatışmazlığı səbəbiylə ürək tutması səbəbiylə həyatını itirdiyi, Martinin həyat yoldaşının səfərdən əvvəl ölkələrində yedikləri yeməkdən zəhərlənmiş ola biləcəyinə dair ifadəsi ilkin ekspertizaya uyğun olaraq xəstəxanada qeyd edildi.
Prokurorluq və məhkəmə tibb həkiminin iştirakı ilə aparılan ilkin araşdırmada Martinin ölümünün dəqiq səbəbini müəyyən etmək mümkün olmayıb və onun xəstəxanada müalicəsi zamanı heç bir cərrahiyyə əməliyyatı aparılmayıb. İlkin yarılmadan sonra prokurorluq Martinin Ədliyyə Tibb Təşkilatına göndərilməsi və klassik yarılma aparılmasına qərar verib.
Qeyd edək ki, Daily Mail qəzetinin xəbərinə görə, əri Luka və iki uşağı ilə Türkiyəyə səfər edən 28 yaşlı qadının “Türkiyədə vəfat etdikdən sonra ürəyini çıxartdığı” iddia edilib.
Orxan
