Livan İsraillə münaqişənin gərginliyini azaltmaq üçün Rusiyaya müraciət edib.
Gununsesi.info xəbər verir ki, bu barədə RBC Livanın keçmiş prezidenti Mişel Aunun müşaviri Amal Abu-Zeydə istinadən məlumat yayıb.
“Biz Rusiyadan dəstək axtarırıq, çünki Rusiya şübhəsiz ki, mühüm rol oynaya bilər. Onun İran və Hizbullahla müəyyən əlaqələri var. Onlar hələ də israillilərlə danışa bilirlər”, – deyə diplomat vurğulayıb.
O, bildirib ki, Rusiya Xarici İşlər Nazirliyi rəhbərinin müavini və Rusiya prezidentinin Yaxın Şərq üzrə xüsusi nümayəndəsi Mixail Boqdanovla daimi əlaqə saxlayıb.
Abu-Zeyd, həmçinin qeyd edib ki, Moskva Qərb ölkələrinin diqqətinə görə “açıq hərəkət etmir”.
Bundan əvvəl Rusiya Xarici İşlər Nazirliyinin sözçüsü Mariya Zaxarova bildirib ki, Moskva İsrailin Livana genişmiqyaslı hərbi hücumlarını pisləyir.
