“Mağazaya dünya ədəbiyyatından böyük ümidlərlə çoxlu kitablar almışdım ki, yəqin satılacaq. Hamısı bədii, elmi, fəlsəfi kitablardı. İndi mağazanı bağlayıram, o kitabların hamısı üstümdə qalib”.
Gununsesi.info bildirir ki, bunu yazıçı Kəramət Böyükçöl deyib.
“Kim istəsə, 50, 100, 200 manatlıq, bəlkə daha çox, bəlkə daha az kitablar yığıb hazırlayım, hara istəsəniz taksi ilə göndərə də bilərəm. Özünüz də gəlib götürə bilərsiz. Ya istəsəniz, kiməsə hədiyyə də verə bilərsiz. Ümumiyyətlə, təkcə kitaba arxayın olub mağaza açmaq, belə bir yükün altına girmək axmaqlıq imiş. Heç o biri sahələrdə vəziyyət yaxşı deyil. Elmlərdə yanaşı olan nə qədər obyektlər var, çoxu bağlanıb, üstünə də yazılıb ki, icarəyə verilir. Azərbaycanda fəaliyyət göstərən kitab mağazalarının isə adı kitab mağazasıdı. İçəri girirsən ki, uşaq oyuncaqları, çantalar, zəncəfil və bu kimi müxtəlif şeylər satırlar. Ona görə ayaqda qala bilirlər. Nəysə.. Məndə bu mağaza söhbəti alınmadı. Yəqin ki, bundan sonra öz kitablarımı parkda satacam. Qazel almaq planım baş tutsa, rayonları, şəhərin müxtəlif yerlərini gəzəcəm. Amma indi bir işdi düşmüşəm, neyləyirsiz eləyin, canımı qurtarın, o kitablar üstümdə qalmasın. İstəyənlər messencerə yazsın. Əla da kitablardı”.
Gununsesi.info
