Litvanın qaz ötürücü sistem operatoru Amber Grid-in idarə heyəti humanitar yardım çərçivəsində 55 avtomobil və 4 generatorun Ukraynaya təhvil verilməsini təsdiqləyib. Yardımın ümumi dəyəri təxminən 62 min avro təşkil edəcək.
Gununsesi.info xəbər verir ki, bu barədə RBC-Ukrayna şirkətin mətbuat xidmətinə istinadən məlumat yayıb.
Əvvəllər qaz nəqli sistemində istifadə edilmiş, təhvil verilmiş avtomobillər saz vəziyyətdədir və 5-11 yaş arasıdır. Şirkət yeni icarəyə girdiyi və köhnə maşınlara ehtiyac olmadığı üçün avtomobilləri bağışlamaq qərarına gəlib.
Amber Grid-in baş direktoru Nemunas Biknius Ukraynanı dəstəkləməyin vacibliyini vurğulayıb: “Bizim 55 avtomobilimiz, o cümlədən yüksək yürüşlü yolsuzluq avtomobilləri Ukrayna xidmətlərinə təmir işləri aparmağa və vəziyyətin dəyişməsinə tez reaksiya verməyə kömək edəcək. Ümid edirik ki, bizim yardımımız başqaları üçün Ukraynanı azadlıq mübarizəsində dəstəkləmək üçün mənəvi stimul olacaq”.
İlk avtomobillər Ukraynanın rezident xidmətlərinə göndəriləcək, qalanları isə müharibə nəticəsində zədələnmiş enerji infrastrukturunun bərpasına kömək edəcək.
