İsrailin HƏMAS ilə əsir mübadiləsi çərçivəsində əvvəllər azad etdiyi fələstinliləri yenidən həbs etməyi planlaşdırdığı bildirilir. İsrail mediası “kütləvi həbs əməliyyatları keçirmək” planının olduğunu iddia edib.
Gununsesi.info xarici mediaya istinadən xəbər verir ki, İsrailin Kanal 12 televiziyasının xəbərinə görə, Təl-Əviv hökuməti HƏMAS-a yeni atəşkəs razılaşmasının şərtlərini qəbul etmələri üçün təzyiq göstərmək üçün əvvəllər azad etdiyi fələstinliləri yenidən həbs etməyi planlaşdırır.
Qəzza zolağına humanitar yardımın daxil olmasını əngəllədikdən və Xan Yunisin şərqindəki Mavasi bölgəsindəki yeganə elektrik xəttini kəsdikdən sonra İsrail HƏMAS-a qarşı “dramatik addım” atmağa hazırlaşır.
Bu kontekstdə İsrail əvvəlki razılaşmaya əsasən azad etdiyi fələstinliləri ilk növbədə işğal altındakı İordan çayının qərb sahilində və Şərqi Qüdsdə yenidən həbs etməyi planlaşdırır.
Hesabatda İsrailin “kütləvi həbs əməliyyatları keçirmə” məsələsini gündəminə gətirdiyi bildirilib.
Orxan
