Müdafiə sahəsində ABŞ və Fransadan asılılığını azaltmaq istəyən İngiltərə, Ukraynadan dərs aldıqlarına işarə edərək, silah istehsalını artıracağını açıqladı.
Gununsesi.info xarici mediaya istinadən xəbər verir ki, İngiltərə ABŞ və Fransadan silah idxalından asılılığını azaltmaq üçün daha çox silah istehsal edəcəyini açıqlayıb . Böyük Britaniyanın müdafiə naziri Con Healey üç ildən artıqdır davam edən Rusiya-Ukrayna müharibəsinə işarə edərək, “Ukraynadan alınan dərslərin ölkə daxilində inkişaf etmiş təchizat zəncirinə ehtiyac olduğunu ortaya çıxardığını” deyib.
“The Guardian” yazır ki, bu addım həm də Böyük Britaniya və Avropada yerləşən müdafiə şirkətlərinin prezident Donald Trampın “ABŞ-ı etibarsız hərbi tərəfdaşa çevirməsi” ilə bağlı narahatlıqlar fonunda ABŞ istehsalı silah və avadanlıqlardan uzaqlaşdığı bir vaxta təsadüf edir.
“The Times” qəzetinin son xəbərində İngiltərənin müdafiə şirkəti BAE Systems-in Müdafiə Nazirliyi və ixrac tələblərini qarşılamaq üçün kifayət qədər partlayıcı və yanacaq istehsal etmək üçün yeni üsullar inkişaf etdirdiyi bildirilib. Avropanın ən böyük müdafiə podratçısı olan firmanın bunu etməsinin bir yolu, RDX partlayıcıları istehsal etmək üçün Böyük Britaniyada saytlar yaratmaqdır.
Müdafiə naziri Healey məsələni dəyərləndirərkən müdafiə sektorunun “döyüş meydanında döyüşmək və qalib gəlmək qabiliyyətinin əsasını təşkil etdiyini” bildirib. “Yerli döyüş sursatlarının istehsalının gücləndirilməsi Ukraynadan dərs almaq, sənaye dayanıqlılığımızı artırmaq və müdafiəni böyümənin mühərrikinə çevirmək üçün mühüm addımdır” deyib.
Orxan
