Moskvanın ələ keçirdiyi Amerika qida şirkəti Rusiya ordusunu ərzaqla təmin etmək üçün istifadə oluna bilər. Bu vəziyyət Rusiyanın ABŞ-la artan əlaqələrini təhdid etmək potensialına malikdir.
Gununsesi.info xarici mediaya istinadən xəbər verir ki, Britaniyanın “Reuters” xəbər agentliyinin verdiyi məlumata görə, Moskva tərəfindən ələ keçirilən və dövlət nəzarətinə verilən Amerika qida şirkəti Rusiya ordusunun ərzaqla təmin edilməsi üçün istifadə olunacaq.
Bu vəziyyət Moskvanın ABŞ ilə artan əlaqələrini təhdid etmək potensialı daşıyır.
ABŞ və Kreml Ukraynada müharibəyə son qoymaq üçün danışıqlar apararkən, oktyabr ayında ələ keçirilən və dövlət nəzarətinə alınan yeganə Amerika şirkəti olan konservləşdirilmiş qida istehsalçısı Glavprodukt tənqid atəşinə tutulub. “Glavprodukt” şirkətinin yeni rəhbərliyinin Rusiya Baş Prokurorluğuna göndərdiyi və Reuters tərəfindən nəzərdən keçirilən məktubda qeyd edilir ki, ələ keçirilən şirkət Rusiya Milli Qvardiyasını və Müdafiə Nazirliyini ərzaqla təmin etmək üçün istifadə olunacaq.
Orxan
