Rusiya lideri Putin amerikalı milyarder İlon Maskı tərifləyərək onun sovet raket mühəndisi Sergey Korolevlə müqayisə oluna biləcək qabaqcıl olduğunu deyib.
Gununsesi.info xarici mediaya istinadən xəbər verir ki, Rusiya prezidenti Vladimir Putin İlon Maskı universitet tələbələrinə tərifləyib.
Rusiya lideri Maskın əfsanəvi sovet raket mühəndisi Sergey Korolevlə müqayisə oluna biləcək qabaqcıl olduğunu deyib.
Şərhlər milyarder SpaceX qurucusu Maskın əsas fiqur olduğu prezident Donald Trampın dövründə Rusiya və ABŞ-ın daha sıx əlaqələr qurduğu bir vaxta təsadüf edir.
Elm və mühəndislik sahəsində ixtisaslaşan Bauman adına Moskva Dövlət Texniki Universitetini ziyarət edən Putin tələbələrə “Bilirsiniz, bir adam var, Amerikada yaşayır. Deyə bilərik ki, Musk Marsı tərifləyir”.
“Bunlar bəşəriyyətdə o qədər də yayğın olmayan müəyyən ideya ilə yüklənmiş insanlardır”, – Putin davam edib. “Hətta bu gün inanılmaz görünür, lakin belə ideyalar adətən, bir müddət sonra öz bəhrəsini verir. Necə ki, bizim pioner Korolevin ideyaları vaxtında ortaya çıxdı”, – o əlavə edib.
Qeyd edək ki, Korolev 1961-ci ildə ilk kosmonavt Yuri Qaqarini orbitə çıxaran ilk “Sputnik” peyki, həmçinin “Vostok 1” peykini hazırlayan Sovet kosmik proqramının qabaqcıllarından hesab olunur.
Dünyanın ən zəngin adamı və Trampın ən güclü müşaviri olan Mask NASA üçün raket buraxan və Starlink peyk internet şəbəkəsinə sahib olan ABŞ şirkəti SpaceX-in sədridir.
Orxan
