Avstraliyanın Melburn şəhərində helikopter qəzası baş verib. Qəza nəticəsində 2 nəfərin yaralandığı bildirilib.
Gununsesi.info xarici mediaya istinadən xəbər verir ki, Avstraliyanın Melburn şəhərinin cənub-şərqində Moorabbin hava limanında helikopterin qəzaya uğraması nəticəsində iki nəfər xəsarət alıb.
Səlahiyyətlilər qəzanın yerli vaxtla saat 14:30 radələrində baş verdiyini və vertolyotun havaya qalxdıqdan qısa müddət sonra qəzaya uğradığını bildirib.
Avstraliya Nəqliyyat Təhlükəsizliyi Bürosu qəzanın təlim uçuşu zamanı “R44 tipli” helikopterlə baş verdiyini açıqlayıb.
