ဇူလိုင်-၂၀၊၂၀၂၅။မေရီ/People’s Spring
ငလျင်ဒဏ်သင့် မန္တလေးမြို့လယ်မှာ မနေ့ညက လောင်တဲ့မီးကြောင့် နေအိမ် ၈ လုံး မီးလောင်ပျက်စီးခဲ့ပါတယ်။
ဇူလိုင်၁၉ ရက်ည ၈ နာရီဝန်းကျင်က မန္တလေးမြို့၊ မဟာအောင်မြေမြို့နယ်၊ ၃၆လမ်း၊ ၇၁လမ်းနဲ့ ၇၂ ကြားမှာ မီးလောင်မှုဖြစ်ပွားခဲ့ပါတယ်။ မီးတောက်တွေဟာ ကြီးမားလွန်းတာကြောင့် တမြို့လုံးနေရာအနှံ့က လှမ်းမြင်နေရတယ်လို့ မြို့ခံတွေက ပြောပါတယ်။
နာရီဝက်နီးပါး လောင်ကျွမ်းခဲ့တဲ့ အဲဒီမီးကြောင့် နေအိမ် ၈ လုံးထက်မနည်းမီးလောင်ပျက်စီးဆုံးရှုံးခဲ့တယ်လို့ မီးသတ်တွေက အသိပေးပါတယ်။
Public Service Announcement
“ဘာမှကိုမရလိုက်ကြဘူးပြောတယ်။လူလွတ်အောင်ထွက်ပြေးကြရတာတဲ့။”လို့ မီးဘေးသင့်ရပ်ကွက်အနီး နေထိုင်သူတဦးက ပြောပါတယ်။
စစ်ကောင်စီရဲ့ မီးသတ်ဦးစီးဌာနကနေ ထုတ်ပြန်တာကတော့ နေအိမ်တစ်လုံးမှာ Bluetooth Speaker Boxအားသွင်းရင်းဘက်ထရီမီးလောင်ရာကနေ စတင်မီးလောင်ကျွမ်းခဲ့တာလို့ ထုတ်ပြန်ထားပါတယ်။
ငလျင်ဒဏ်သင့်မန္တလေးမြို့မှာ ပြီးခဲ့တဲ့ မေလ ၂၈ ရက်နေ့ကလည်း ဘားတစ်ခုမီးလောင်ကျွမ်းရာက ဆိုင်ဝန်ထမ်း အမျိုးသမီးငယ် ၄ ဦး အသက်ဆုံးရှုံးခဲ့ပါသေးတယ်။
