Yolların sürüşkən olması səbəbindən hazırda paytaxtın bəzi küçə və prospektlərində nəqliyyatın hərəkəti çətinləşib.
Gununsesi.info xəbər verir ki, bu barədə DİN-in Nəqliyyatı İntellektual İdarəetmə Mərkəzindən məlumat verilib.
“Mümkün qədər avtomobillə yola çıxmayın!” , – məlumatda qeyd olunub.
Hazırda Bakı-Sumqayıt yolunun “Ekologiya postu” hissəsindən üzü “20 Yanvar” metrostansiyasına gedən yolda, Xırdalan dairəsində, “Şamaxinka” ərazisində avtomobillərin hərəkəti məhdudlaşıb. Heydər Əliyev Prospekti və şəhərin bir sıra yerlərində güclü tıxac yaranıb.
