Yaşlı kişinin cansız bədəni İkinci Dünya Müharibəsinin simvolu olan abidənin baş hissəsindən çıxarılıb. 85 metrlik “Vətən çağırır” heykəli Volqoqrad şəhərinin simvollarından biridir.
Gununsesi.info xarici mediaya istinadən xəbər verir ki, Rusiya İstintaq Komitəsi Volqoqradda 85 metrlik “Vətən çağırır” heykəlinin başından meyitin götürüldüyünü açıqlayıb.
1925-1961-ci illərdə Stalinqrad kimi tanınan Volqoqrad İkinci Dünya Müharibəsinin ən ölümcül və ən mühüm döyüşlərinin şahidi olub.
Memar Yevgeni Vuçetiçin “Vətən çağırır” heykəli 1967-ci ildə şəhərin müdafiəçilərinin xatirəsinə ucaldılıb və dünyanın ən hündür qadın heykəli olaraq qalır.
Rusiya İstintaq Komitəsi heykəlin içərisində turist kimi təsvir etdikləri bir adamın ölümü ilə bağlı araşdırma başlandığını açıqlayıb.
Yerli mənbə sonradan onun Moskva Dövlət Bədən Tərbiyəsi Akademiyasının direktoru Nikolay Çesnokov olduğunu bildirdi.
Yerli xəbər saytı V1.ru onun heykəlin daxilində gəzinti zamanı özünü pis hiss etdiyini və tibb işçiləri ona çatana qədər dünyasını dəyişdiyini bildirib.
Akademiya daha sonra öz internet səhifəsində Çesnokovun 68 yaşında dünyasını dəyişdiyini açıqlayıb.
Orxan
